مشهد بريء من زمن الفن البطيء

فى البوست ده هنرجع لزمان و يا عينى على زمان وايام زمان والناس زمان والعيشة زمان وايييييييييه ...بس كله كوم وسينما زمان حاجة تانيه دنيا تانيه ويُقال ان الناس زمان مكنوش عايشين ذى ما بيصوروا فى الافلام خالص...وانا من كتر اعجابى الشديد بسينما زمان فكرت انى اعمل باب عن هذه السينما,,, سينما القصور والفيلات فيها عادي جدا سينما الخمرا والبارات فيها عادي جدا جدا واشياء تانى اعجب واعجب ولك ان تتخيل ان عماد حمدي كان خارب الدنيا وكان -اسمع ديه بقى-فتى الشاشة الاول يعنى البنات كان مخها فين ...مش عارفة وبعدين مكنش فى سلام عليكوا او صباح الخير لا لا لا مفيش الكلام ده تلاقى سعيدة نهارك سعيد .... ,المهم خلينا المره ديه نوصف مشهد رومانسي وبما ان الموضوع ده غزير فأكيد هنرجعله تانى.........

البطلة قاعدة بتلقائية على النجيلة فى الجُنينة تحت الشجرة وتكون سرحانة ودلوقتى zoominعليها تتنهد ووشها سرحان على سهتنة شوية وتبص فى الساعة ,والبطل جاي من وراها ,وتكون مخارج الفاظه واضحة ولمزيد من التخيل استحضر عماد حمدي فى ذهنك حيث البطء والرومانسية المفرطة .....

هو: سعيدة ,,,,,,,اتأخرت عليكي

هى : ياااااااااااااااااااه اوي ,,,,,,,,,,,,,بُعدك عشر دقايق عدّى علىَّ سنة بحالها

هو: (يتكلم وهو بيعد جنبها على النجلية فى الضُليلة )ياه للدرجادي اتأخرت اوعي يا روحي تكونى حسيتى بملل وعلى العموم أنا متأسف

هي: لأ ........................لأ(المسافة بين اللأتين بعيدة شويتن اهه عقبال ما قالتها ...ما هو بطيء بقى) ما يهمكش يا نور العين ده انا لو اعدت مستنياك العمر كله مش هزهأ أدام فى الاخر هتجينى ....تأكد انى هافضل دايما مستنياك وهاكون دايما فى انتظارك

هو: وده برده كان عشمى فيكى وتأكدى انى جوايا نفس الشعور ............عينيكى النهارده فيها حاجة جميلة والجو كمان النهارده لطيف اوي ...وفستانك شيك خالص .....(يده)انا شاعر ان القمر نزل من السما من بين النجوم والسحاب والغيوم وقاعد معايا دلوقتى ياترى شعورى ده صحيح(يبصلها ويبتسم ابتسامة سمجة)

هى: متكسفنيش بقى وبعدين وياك

هو: لأ صحيح انا حاسس ان الدنيا مش سايعانى من الفرحة .......ياترى ياهالتري انتى كمان شاعره بكده

ملحوظة من قبل الكاتب وخروج مؤقت عن السرد الممتع للمشهد :النقط اللى بين الكلام تعنى وقفة للفنان بين الكلام عند الجملة اللتى تسبق النقط।والآن عودة للمشهد ,

هى: (تضحك وتبص فى الارض فى الناحية التانية اللى هو مش قاعد فيها )وبعدين وياك ...الله بقى

هو: صارحينى من فضلك ....انا حابب انى اعرف هل مشاعرك وعوطفك واحاسيسك ناحيتى انا فعلا ولا فى حد تاني فى حياتك ذىممدوح ابن طنط ناظلى مثلا او مدحت ابن خالتك انا مش عايز اعيش فى اوهام وبعد كده الاقى انى كنت مخدوع واصحى على كابوس انك مش ليه

هى: انا هقولك على شيء كنت شيلاه فى قلبى وحطاه جوا نن عيونى وحبساه جوا ضلوعى ...ان مش مشاعري وعواطفى واحاسيسي بس هى اللى ناحيتك لأ اوعي تفتكر كده او مخك يصورلك كده او حتى خيالك يروح لكده (لاحظ الفروق الجامده)لأ تبقى غلطان وتبقى لسه معرفتنيش كويس,,,لان حياتى ....وعمري .... وذكرياتي ...وماضيه.... وحتى اللى جاي كمان من عمري كله ليك ,واتمني (تنهيدة تقيلة اوى بقى غير اللى كانت من شويه ديه خالص)اتمني من كل قلبى ان اعيش بقية عمري معاك

هو: صحيح

................................!!!!!!!!!!!!!!!!!!!!!!!!!!!!!......لا يوجد ارسال والحقيقة انه لا يوجد كهربا فى التليفزيون اصلا لانى طفيت التليفزيون خالص لضمان سرعة التخلص من الاشواق الجامده ديه عشان كان ممكن اغيّر القناة الاقى فيلم لعبد الوهاب مثلا وهنا الطامة الكبري وهنا انا بتكلم بجد بقى انا فعلا مكنتش هاستحمل خالص ولقطات عابرة هي مدي معرفتى لاي فيلم لعبد الوهاب ..............الغريب يقولك ايه بقى ........................زمن الفن الجميل ...........ويقولك ايه برده :قول للزمان ارجع يازمان ,,,,,,,,,,,يرجع ليه ان شاء الله ,,,,,,اه دلوقتى احنا جالنا الضغط من العيشة ومن(سرعتها) بس زمان كان هيجى الشلل نصفى ورباعى ورعّاش كمان ده غير ان المرارة اللى هتتشال

عذراً ايها القراء الاعزاء المفروض كنتوا تتحولوا فى هذا البوست الى مستمعين (اعزاء برده ) لايضاح صوت الابطال لان الحقيقة ده جانب مهم جدا فى التخيل لان -ومش عارفه ليه- كان الصوت زمان فيه خنف شوية على رزانة غريبة ...وده مش تريأة على خلقة ربنا خالص لان الغريب فى الموضوع ان اغلبهم كانوا كده وده اكيد من المخرج لان مش ممكن زمان كلهم كان عندهم مشكلة فى جين الحنجرة

ادينى فى الهايف وانا احبك ياناننس

ادينى فى الهايف وانا احبك ياناننس

تعرف فلان, اه اعرفه ده حبيبى ,عاشرته بقه واتعاملت معاه كتير,لأ مش اوى يعنى على الماشى , واما هو على الماشى يبقى بتقول ليه انك تعرفه, بعد كده لما حد يسألك المرة الجاية تقول لأ ياكلب ,,,,,,,,,,,,,,,ندخل فى الموضوع بقى :طبعا انت مش عارف ايه الخزعبلات اللى انا كاتباها ديه وده الحقيقة كان اجراء لعملية تشويه للمثل الخالد فى اذهانا :تعرف فلان ,اه ,عاشرته,لأ,يبقى متعرفوش,,,,,ايه التخريف ده.....هو انا مينفعش اقول (لازم اتعامل مع الواحد كتييييييييير عشان اعرفه كويس)....صعبة ديه عويصة اوى ...متتفهمش مثلا ...لازم يعنى اقول مثل عبارة عن حكاية ورواية عشان افَهّم اللى ادامى ان العشرة مهمة اوى فى الحكم على الناس!!!!!!!!!!!!!!!!!!!!!!!!!المثل ده فعلا بيورينى اد ايه المصريين بيعشقوا الكلام ,,,اولا عشان استعمل امثال اصلا,ثانيا عشان استعملوا المثال ده تحديدا ,وانا شايفة ان الامثال ديه عموما ملهاش اي لازمه يمكن الحكم عادة بتكون بليغة وبتوصف احساس اوموقف معين ببلاغة شديدة لكن الامثال وبطريقة صياغتها الغريبة اوي ديه بتثير اشمئزازى ,بالذات المثل السالف ذكره ,,وفى امثال طبعا كتييير اوي لا تقل سخافة عنه -بس ده الحقيقه بينقطنى زيادة -عندك مثلا هالا هالا على الجد والجد هالا هالا عليه ....ياعيني,, ايه السماجة ديه ,,,هو كان عندهم مدحت شلبي برده ,وبصراحة بقى موضوع الامثال ده انا ليه فيه وجهة نظر,انا اعتقد ان الموضوع ليه اصل,ان كان فى شاعر فاشل عمّال يألف ابيات شعر حقيرة ,محدش رضى ينشرهاله فالناس اللى عايشين معاه محبوش يزعلوه وحبوا يحسسوه ان كلامه ده كبير اوى ومُهم فاستعملوه فيما بينهم واحنا جينا وراهم استخدمناه عادي جدا مفيش اي مشكلة,,,طيب هما وبيحالوا الشاعر-ده برده ابن حتتهم-احنا بقى ...بنقوله لييييييييييييييييييييه ,ليه ياتري ...يمكن لاننا شعب غريب ودايما مش بنفكر فى الكلام اللى بنقوله وعادة مش بنفكر فى اللى بناخده من اسلافنا وكتير نتعامل معاه على انه مسلمات ,ولا عحب فى ذلك فنحن نادرا ما نفكر,

وحد دلوقتى ممكن يقول :انتى ليه بتكرهى الامثال اوى كده ديه جزء من تراثنا!!!!!!!!!!!!!!!!!! اقوله بس عندك, توقف لحظة من فضلك فالموضوع هيكبر مننا اوي دلوقتى,,,,,,,,,,,,,,,,,,,,,,,,,,اجدادنا مش احسن مننا فى حاجة هما كان عندهم لسان واحنا عندنا لسان اطول,هما عندهم دماغ غريبة افرزوا من خلالها مثل هذه الامثال السخيفة ,واحنا عندنا دماغ اغرب تفرزلنا امثلة اسخف ....احنا لازم نعمل تراثنا بادينا ...لحد امتى...... لحد لمتى هنعيش على تراث غيرنا وان قبلناها على نفسنا اذاى وبأنهى وش هنخلى ولادنا يسخدموه برده ...ايه يقولوا ايه جينا الدنيا ديه ومشينا من غير ما نسيب ولا اي حتة تراث ...طب صارحونى هتقبلوها على نفسكوا...لااااااااااااااااااااااا ابدا لايمكن ,على جثتى , وانا من هنا اعلن بدء

المسابقة الوطنية.......لتراث الاجيال الجاية,,,,,,,تحت عنوان:ادينى فى الهايف وانا احبك ياننس ,والجوايز قيمة جدا :هنحفظّ الامثلة الفائزة لأظفال الشوراع والمتسولين لضمان بقائها- لانهم مش بس هيعرفوها دول هيخبروا كل المارة بها- تخليدا لهذه الامثال الوليدة,

ملحوظة :المسابقة ديه اللى هيقدموا فيها كتير اوى واليك الدليل : من قعدة واحدة انا وايناس صحبتى فقط طلعنا الامثال ديه وعلى فكرة في ما يقابلها من امثلة العصر الذهبى للامثلة.....خد عندك:

نعد اعدة متكلّفة ...ولا افتحها مضيفة <قال ياقعدين يكفيكوا شر اللى جايين>ا

الحياة ياحلاوتها كل واحدة مع حبيبتها <الطيور على اشكالها تقع>ا

النهارده مش كويس بكرة يكون اكوس <تبات نار تصبح رماد>ا

تنام يمين تنام شمال نام حتى فى الادغال <كل واحد ينام على الجنب اللى يريحه>ا

طب قولى رأيك انت وانتى طبعا..........مش اجدع من ما يسمى التراث