بحلقة

بحلقة

سنقوم فى البوست ده بعمل نظرة تفحيصية تأملية على واحدة تعد من المقالات التاريخية وهى للكاتب العبقري ممتاز القط اللى اكيد دخل التاريخ بهذه المقالة المعجبانية بس بصراحة هى مش هتكون نظرة خالص ... ممكن نقول بحلقة اوقع.... واليك البحلقة:ا
وانا هابدأ من المقطع التانى فى المقالة -عشان سبق واتريأنا قبل كده فى البوست اللى فات على اول مقطع -يالا استعدوا بقى هنبتدى, سننطلق فى القطعة الشعرية التاليه واللى ممكن تحس فى بعض كلماتها انها من حبيب لحبيبته:ا
ملحوظة:اللى بالاحمر ده كلام المقالة الغالى ,,,,,,,,,,,,,,,,ا
اسمع مبدئيا, الدعوة الغالية ديه ,,ندعو لك بالعمر المديد ,يالهوي اكتر من كده ,بص على اللى جايه ديه, فنحن سيدي الرئيس قدرك ونت قدرنا ,يعنى نفهم من كده انه خلاص قفلت ضلمت , الى ان نأخذ العزاء ,لمن غيرك نروي احلامنا وامالنا فى مستقبل نملك....ايه ده ايه ده...ده طفل ده بيحكى لمامته عايز يطلع ايه لما يكبر,بتعرف تقرأالمستقبل صح ياريس ...وفى كل حاجة بره وجوه ,ياسلااااااااااااااااااااااااااااااام انا اقترح على ا ممتاز انه ينتخب الريس فى انتخابات العالم القادمة !!!!!!!!! بنحبك لانك مبتعملش حاجة الا بعد ما تحسبها صح ,ولكم فى العلاوة خير مثال ياشعب ناكر للجميل, تاريخ بطل ...كان يكفيه من الدنيا وسام الانتصار فى حرب اكتوبر,ياريته اكتفى مش عارفة يعنى محسسنى ان الريس هيموت ويمشي بس الشعب ماسك فيه او ان الشعب هو اللى اعد يتحايل عليه عشان يمسك الحكم ولو حصل يعنى كان حد عارف ان المصايب دى كلها هتحصل, طول ما احنا معاك ياريس حسينا بالحكاية ديه مفيش انفعال ولاغضب-اه فعلا ديه انا معاه فيها لما الريس يكون بيتقال عليه كل اللى بيتقال ده وهو عادى كده او يعرف ان فى اضراب وعادي او يشوف عشوائيات والناس عايشه فيها اذاى وعادى برده ويشوف الناس فى البرلس مكنوش لاقين ماء بالايام ده كده مش يكون مفيش انفعال ولا غضب وبس ده كده يبقي مفيش حاجة اصلا ,واوعى حد يطلع يقول ...يمكن الريس ميعرفش ...حاطلعله انا كمان واقوله عذر اقبح من ذنب,مواقف وتحديات كتيرة لا ليها اول ولا اخر ...لكنك ياريس عديتها كلها بسلام-عدتها ديه فعل ماضى ولا انا مش واخده بالى ده علي اساس انها عدت خلاص طب مش كنتوا تقولوا عشان نفرح ونظأطط ,تصدق احنا فاكرين انها لسه موجودة ,مش بقولك شعب ناكر للجميل , العدو والحبيب دايما بيحسب لبلدنا معاك الف حساب ,ايوه طبعا انت بتتكلم فى ايه,بنحبك لان سمعة مصر معاك اصبحت زى البرلنت -ومش عارفة ايه اصبحت ديه ما كنا نمشيها -بقت- يعنى اللغة العربية افتكرتها فى المقالة دلوقتى اما بالنسبة لموضوع البرلنت ده لا يسعنى الا ان اقول ...ياعينى........ يالهوي مش تقولوا ان احنا وصلنا شادر السمك عشان نسلم على المعلمين كلهم ,وبيحسدونا عليك -اللى هما العالم الخارجى وديه هتكون اول حادثة مفيدة للحسد بس ياريت انه يكون حسد صادق!!!كتير كنا بنكلم نفسنا ...بنقول ياتري الريس حاسس بينا-وانا لما كنت بقرأ المقالة اعدت كتير اوى اكلم نفسي .....واقول ياتري ياهلترى ا ممتاز حاسس بينا-واحنا نسينا زمن الاشتراكية اللى ضحكوا علينا بيها-ولنا هنا وقفة -قال يعنى موقفناش قبل كده -انا نفسى الرئيس جمال عبد الناصر ييجى دلوقتى وينادى بالاشتراكية بجد نفسي اشوف الصحف ديه هتكتب ايه-نسينا تليفون العمدة وبقينا محتارين نركب010ولا011ولا012-تحس ان الريس هو اللى اعد يتحايل على الشركات ديه انها تيجى مصر من أجل رفاهية شعبه -خلاص مش عارفين نودى المرتب فين ولسه كمان العلاوة -اه ممكن ادخلها جمعية-وتحس كمان ان هو اللى اخترع الموبايل,,, من اجل رفاهية شعبه ايضا, نسينا قطارات ماركة اللى يحب النبى يزأ,هى مش الاجهزة كلها بتتطور عبر الزمن ولا احنا فى مصر اللى لدينا وضع خاص ,,,وهو ليه لم ينسب اليه التليفزيون الالوان ...طب والله سؤال وجيه والاجابة اعتقد هتكون ياما انه نسي موضوع التليفزين ده او انه شايله للعيد ميلاد القادم ,اللى بتقوله فى الغرف المغلقة هو اللى بتقوله فى العلن,ده على اساس انه بيبقى معاهم جوا ياجماعة يبقوا خلوا بالكوا... العلاوة ياريس كانت مفاجأة كانت عبور بالموظفين الغلابة من الدوامة اللى عايشينها ليل نهار -هما مش عايشين اصلا علشان يعيشوا فى دوامة ولا حتى فى اعصار, الناس كلها بتقولك فى عيد ميلادك كتر خيرك ,اااااااااااااااه اصل اللى انت متعرفهوش -واللى انا الحقيقة لسه عارفاه دلوقتى- ان فى بقالة فتحت على اول الحارة اسمها مصر وفيها شوية ناس بتشتغل اسمهم المصريين , والسنة اللى جاية مش مهم العلاوة تكون ३० %خليها25%احنا مش طماعين هو كل سنة بتكون فى علاوة بس احنا اللى مش بناخد بالنا تقول ايه عنينا فارغة.